Mass Save | Community First

Kal ke bu língua di preferénsia?

Bo kaza ô bu enpreza pikinoti ta fika txeu friu na invernu ô txeu kenti na veron?

Nu ten solusons ki podi djuda-u pōpa enerjia, i ao mésmu ténpu fortalese kompromisu di nos komunidadi ku ikidadi i sustentabilidadi.

A Sidadi di New Bedford sta partisipa na Community First Partnership di Mass Save®, kolaborandu lokalmenti ku Eversource, pa furnese solusons di efisiénsia enerjétika pa rezidentis, enprezas pikinoti, i organizasons lokal sen fins lukrativu nun sforsu pa reduzi uzu di enerjia, i aumenta konfortu di kazas i edifísius.

Kumesa

Ou txoma pa (508) 286-6239

Bu sa ben respondi alguns instruson pa kumesa bu jornada ekonomizador di eletresidadi.

Avaliason di Enerjia na Kaza Sen Kustu

Inkilinus, proprietárius i senhorius di kazas unifamiliar, apartamentus ô kondomínius na edifísius ku 1-4 unidadis podi resebe un Avaliason di Enerjia na Kaza sen kustu i prende modi ki es podi benefisia di midjorias na kaza ki ta djuda reduzi kustus di enerjia i di manutenson, i aumenta konfortu na kaza.

75-100% di diskontu na midjorias di izolamentu aprovadu. 100% di diskontu na midjorias di izolamentu sta dispunível pa:

Unidadis di Aluger
Edifísius di 2-4 unidadis kantu tudu kes unidadi é izoladu na mésmu ténpu
Agregadus familiar ku rendimentu kualifikadu*

Vedason di Ar Sen Kustu
Reembolsus pa aparélhus di alta efisiénsia i ekipamentus di akesimentu i arrefesimentu, inkluindu insentivus pa bombas di kalor
Produtus Sen Kustu pa Pōpansa di Enerjia i Água
Oportunidadi di finansiamentu ku juru di 0% através di Programa di Enpréstimu HEAT di Mass Save (Mass Save HEAT Loan Program)
Insentivus adisionál di imediátu pa agregadus familiar ku rendimentu kualifikadu* i unidadis di aluger pa djuda kubri kustu di projetus ki ten ki ser konkluídu antis di kualker midjorias di izolamentu aprovadu, sima remoson di fiason elétriku antigu (knob and tube) ô vermikulita

*Dipendendu di bu rendimentu, ô di rendimentu di bu inkilinus si bu for proprietáriu di un edifísiu multiunidadi, bu podi kualifika pa benefísius ainda maior di pōpansa di enerjia i di kustus através di Programa pa Pessoas ku Rendimentu Elejível (Income Eligible Program).

*Klika li pa odja si bu podi kualifika pa es insentivus através di Programa pa Pessoas ku Rendimentu Elejível (Income Eligible Program) ô Ofertas Rezidensiais Midjoradu (Enhanced Residential Offers).

Midjorias di vedason kontra ténpu (Weatherization), sima izolamentu i vedason di ar, podi benefisia bu kaza dimás, baxandu kustus di akesimentu i arrefesimentu na un média di 15%, sigundu Ajénsia di Pruteson Ambiental di Merka (U.S. Environmental Protection Agency). Es podi reduzi korentis di ar pa un maior konfortu i umidadi konstanti duranti anu interu, minimizandu barulhu di rua pa un ambienti más kalmu i pasífiku, inpidi entrada di alerjénikus i pragas, i reduzi risku di barragens di jelu, ki podi proteje bu kaza kontra posívels danus.

Asisténsia Bazeadu na Rendimentu

Kes Sponsor di Mass Save sta konprometidu na torna midjorias di efisiénsia enerjétika asesível pa tudu rezidenti di Massachusetts. Proprietárius di kaza i inkilinus elejível podi resebe midjorias di izolamentu i vedason di ar sen kustu, sima tanbê reembolsus aumentadu ô midjorias adisionál sen kustu, bazeadu na rendimentu. Através di avaliasons di enerjia sen kustu, servissus, i produtus efisienti, proprietárius di kaza i inkilinus podi midjora konfortu di ses kaza i reduzi ses kontas mensual di enerjia.

Programa pa Pessoas ku Rendimentu Elejível (Income Eligible Program)

Proprietárius di kaza i inkilinus elejível podi resebe midjorias di izolamentu i vedason di ar sen kustu, sima tanbê aparélhus doméstiku novu (sima mákinas di laba ropa, jelera, konjelador, sistemas di akesimentu, desumidifikadoris, i unidadis di ar kondisionadu di janela), i más.

Es midjorias podi reduzi kontas mensual di enerjia i torna bu kaza más konfortável. Pru sesu kumesa ku un Avaliason di Enerjia na Kaza sen kustu. Rezidentis ten ki mora na un kaza di 1 a 4 unidadis.

Bu podi kualifika pa midjorias sen kustu, inkluindu:

Instalason di izolamentu adisionál na sóton, paredi, i káv
Vedason di ar na árias di bu kaza ku korenti di ar
Substituison di bu sistema di akesimentu pa un di alta efisiénsia
Substituison di aparélhus doméstiku, inkluindu jeleras, konjeladoris, desumidifikadoris, ar kondisionadu di janela, i/ô mákinas di laba ropa si bus aparélhus atual é inefisienti
Un termostatu programável ô intelijenti
Lâmpadas LED di pōpansa di enerjia
Aeradoris di tornera i pontas di xuxu ki ta pōpa água
Filas di tomada intelijenti (Advanced power strips)
Substituison di janelas inefisienti elejível
Reparasons nesesáriu antis di instala izolamentu rekomendadu ô otus midjorias di servisu di enerjia

Klika li pa odja si bu podi kualifika pa Programa pa Pessoas ku Rendimentu Elejível (Income Eligible Program).

Ten más opsons dispunível pa asisténsia bazeadu na rendimentu relasionadu ku efisiénsia enerjétika na Massachusetts através di bu Ajénsia CAP lokal (CAP agency) i kes Sponsor di Mass Save, inkluindu:

Tarífas di gás i eletricidadi ku diskontu
Asisténsia di Konbustível (époka di akesimentu di invernu)
Asisténsia pa paga kontas di gás i eletricidadi atrazadu
Otus programas di asisténsia nau relasionadu ku enerjia

Ofertas Rezidensiais Midjoradu (Enhanced Residential Offers)

Proprietárius di kaza i inkilinus elejível podi resebe un midjoria di izolamentu sen kustu i reembolsus aumentadu pa ekipamentu di akesimentu efisienti. Nu ta oferese tanbê insentivus di imediátu pa djuda kubri kustu di projetus ki ten ki ser konkluídu antis di un midjoria di izolamentu aprovadu, sima remoson di fiason elétriku antigu (knob and tube) i/ô vermikulita. Pru sesu kumesa ku un Avaliason di Enerjia na Kaza sen kustu.

Bu podi kualifika pa:

Midjorias di vedason di ar i izolamentu sen kustu
Insentivu di imediátu ti $7,000 pa djuda kubri kustu di projetus ki ten ki ser konkluídu antis di kualker midjorias di izolamentu aprovadu podi ser fetu. Bareras elejível ta inklui:

Remoson di fiason elétriku antigu (knob and tube)
Remoson di vermikulita

Insentivus aumentadu pa bombas di kalor energetikamenti efisienti, ki ta akese i arrefese bu kaza, si bu akese ku óliu, propanu ô rezisténsia elétrika.

Ti $16,000 pa Bombas di Kalor di Fonti di Ar (Air Source Heat Pumps) i Bombas di Kalor Ar-Água (Air to Water Heat Pumps)
Ti $25,000 pa Bombas di Kalor di Fonti Subterráneu (Ground Source Heat Pumps)
Tudu atualizasons di vedason kontra ténpu rekomendadu pa bu kaza ten ki ser konkluídu pa bu ser elejível pa kes insentivu midjoradu di akesimentu i arrefesimentu.

Klika li pa odja si bu podi kualifika pa Ofertas Rezidensiais Midjoradu (Enhanced Residential Offers).

Enhanced Residential Offers

Eligible property owners and renters of 1–4-unit buildings can receive no-cost insulation and air sealing upgrades, greater incentives on heat pumps, and more. These upgrades can lower monthly energy bills and make your home more comfortable. The process starts with a no-cost Home Energy Assessment.

You can access Enhanced Residential Offers through two pathways:

Turnkey Services: Designed to make energy improvements simple and stress- free through a fully-managed, energy transformation for your home - for up to no cost.

Start with a no-cost Home Energy Assessment
You may be eligible for:
- No-cost weatherization upgrades, including air sealing and insulation
- Air source heat pumps for up to no cost to replace oil, propane or electric resistance heating
- Electrical panel upgrades for heat pumps and removal of barriers for weatherization: If your home requires an electrical panel upgrade to support the new equipment or health and safety related updates prior to weatherization, up to 100% of the cost may be covered.
The entire process of doing recommended upgrades, from start to finish, is handled through the program ensuring a seamless experience.
All offers through turnkey services, including heat pumps and pre-weatherization upgrades are subject to cost effectiveness screening. Other restrictions may apply.

2) Self-Guided Path: Take advantage of incentives to make your home more energy efficient and improve comfort year-round.
- Start with a no-cost Home Energy Assessment
- You may be eligible for:
  - No-cost weatherization upgrades, including air sealing and insulation
  - Rebates of:
    - Up to $16,000 on air source heat pumps
    - Up to $16,000 on air to water heat pumps
    - Up to $25,000 on ground source heat pumps
- If you want to install a heat pump, choose your own participating Heat Pump Installer and take advantage of the rebates listed above.

For heat pump rebates, equipment must be new and installed to either supplement or replace oil, propane or electric baseboard (resistance ) as the primary heating system. Weatherization recommendations made during a Home Energy Assessment must be completed. Other restrictions may apply.

Click here to see if you might qualify for the Enhanced Residential Offers.

Bombas di Kalor

Bombas di kalor é altamenti efisienti, ta oferese efisiénsia 2-3 bes superior a un kaldera ô fornalha, i txeu delas ta furnese kalor efisienti na ténperaturas esterna di ti -15°F. Es é tanbê amigu di anbienti pamodi ka ten emisôs diretu. Bombas di kalor é más siguru, sen nesesidadi di armazenamentu di konbustível i sen monóksidu di karbonu, i es podi reduzi kustus di enerjia konparadu ku akesimentu a óliu, propanu, ô elétriku. Ku instalason fleksível, es podi akese i arrefese zónas individual ô un kaza interu, proporsionandu konfortu konplètu ku akesimentu, arrefesimentu, i desumidifikason.

Proprietárius di kazas unifamiliar, apartamentus i kondomínius na edifísius di 1-4 unidadis podi ser elejível pa reembolsus pa atualiza pa bombas di kalor di alta efisiénsia, sima tanbê un oportunidadi pa aplika pa finansiamentu ku juru di 0%.

Reembolsu é bazeadu na grandura di ekipamentu (tonelajen), si sistema di bomba di kalor ta sirbi pa kaza interu ô sô pa un párti di kaza (kaza parsiál), ô bazeadu na nível di rendimentu.

Reembolsu pa Bombas di Kalor pa 2026
Tipu di Insentivu	Bomba di Kalor ku Fonti di Ar	Bomba di Kalor ku Fonti Subterániu	Bomba di Kalor Ar pa Água
Kaza Interu	$2,650 pur tonelada ti $8,500	$13.500 pur kaza	$3,000 pur tonelada ti $10,000
Kaza Parsiál	$1,125 pur tonelada* ti $8,500	$2,000 pur tonelada* ti $13,500	$3,000 pur tonelada ti $10,000
Insentivu MAMC (Midjoradu Asisténsia pa Mudansa Climátika) ku Bazi na Rendimentu**	Até sen kustu	$25,000 pur kasa	Ti $16,000
Programa pa Kliéntis Elejívelis di Renda	Bu podi ser elejível pa un substituison gratuitu di bu sistema di akesimentu pa un ekipamentu di akesimentu i refrijerason di alta efisiénsia, inkluindu bombas di kalor.

Reembolsu pa kaza interu sta dispunível pa kliéntis ki instala bombas di kalor komu úniku fonti di akesimentu i arrefesimentu.

Partial-homeReembolsu pa kaza parsiál é oferésidu bazeadu na grandura di ekipamentu (tonelajen) pa kliéntis ki planeia manti un kaldêra ô fornalha ezistenti pa suplementa un novu sistema di bomba di kalor.

Patrosinadoris di Mass Save (Más Sêiv) ta oferese Enpréstimus HEAT (HÍT Louns) ku juru di 0% pa torna midjorias di efisiénsia enerjétika más asesível. Através di es enpréstimu, bu podi kualifika pa un enpréstimu ti $25.000 pa midjorias kualifikadas na kaza.
Kliéntis na kazas ku 5+ unidadis é elejível pa resébe reembolsu pa kaza interu, désdi ki es kunpri tudu kes rekizitu anotadu na formuláriu di verifikason pa kaza interu.

*Tonelajen (Tons) é kalkulada bazeadu na kapasidadi di arrefesimentu AHRI (Institutu di Ár Kondisionadu, Akesimentu i Refrijerason) divididu pa 12.000 BTU (Unidadi Térmika Británika). Montanti di reembolsu é bazeadu na tonelajen.

** Vizita MassSave.com/Enhanced (Más Sêiv.kom Barra Enhanced) pa informason adisional. Tipu di Konbustível pre-ezistenti ten ki ser óliu, propanu, ô akesimentu elétriku pa rezisténsia.

Avaliasons di Enerjia pa Kazas Multifamiliar

Proprietárius ô jestoris di edifísius ku 5+ unidadis podi aumenta satisfason di inkilinus i valor di propiedadi, i reduzi kustus operasional duranti anu interu, uzandu insentivus di Mass Save, reembolsus, produtus di pōpansa di enerjia, orientason spesializadu, i más.

Kumesa pa resebe un Avaliason di Enerjia sen kustu. Un Spesialista di Enerjia kualifikadu ta identifika i rekomenda midjorias di pōpansa di enerjia sen konpromisu, sima tanbê furnese insentivus elejível.

Bazeadu na bu Avaliason di Enerjia, bu podi ser elejível pa insentivus instantáneu i reembolsus pa midjorias di efisiénsia enerjétika, sima tanbê produtus di pōpansa di enerjia sen kustu, inkluindu:

Vedason di ar na árias ku kurenti di ar
Izolamentu
Ekipamentu di akesimentu i arrefesimentu di alta efisiénsia i kontrolus
Ekipamentu di Akesimentu di Água
Sensoris di Okupason
Pontas di xuxu di baxu flusu, aeradoris di tornera, i izolamentu di tubulason
Termostatus Programável

Bu podi kualifika pa otus midjorias di enerjia, dipendendu di bu propiedadi i rezultadus di avaliason.

Si 50% ô más di kes inkilinu tiver na nívis di rendimentu dizignadu, bu podi tanbê ser elejível pa resebe servissus através di Programa di Retrofit Multifamiliar pa Pessoas ku Rendimentu Elejível (Income Eligible Multi-Family Retrofit Program)..

Si bu é inkilinu nun edifísiu ku 5+ unidadis, insentiva proprietáriu di edifísiu ô jestor di propiedadi pa konsigi un Avaliason di Enerjia pa kel propiedadi. Komu inkilinu, splora maneras di pōpa enerjia na bu kaza.

Avaliasons di Enerjia pa Enprezas Pikinoti

Resebe un avaliason di enerjia sen kustu pa bu enpreza pikinoti, organizason sen fins lukrativu ô lugar di kultu.

Un Spesialista di Enerjia ta djuda-u diskubri oportunidadis di pōpansa di enerjia ki podi: Pōpa dinheru na despezas jeral, aumenta marjen di lukru, midjora konfortu di bus klientis i funsionárius.

Enprezas pikinoti, organizasons sen fins lukrativu i lugaris di kultu ki ta uza ménus di 1,5 milhon di kWh na konsumu anual di eletricidadi ô ménus di 40.000 therms anual na kontas di gás natural podi solisita un avaliason. Maioria di avaliasons é presensial, ku un númeru limitadu di avaliasons virtual remotu dispunível.

Es-sigi é un lista di posívels medidas i oportunidadis di pōpansa di enerjia ki podi ser identifikadu duranti un avaliason. U spesialista di enerjia ta informa-u tanbê sobri insentivus dispunível pa bu enpreza, da kes Sponsor, pa es medidas.

Elétriku

Vedason di Ar & Klimatizason
Midjorias di Sistemas di Iluminason & Kontrolus (inkluindu LEDs)
Kontrolus di Refrijerason & Midjorias di Resfriador
Midjorias &Kontrolus di Sistema HVAC
Kontrolus di Motor ô Drive
Sistemas di Ar Konprimido
Midjorias & Kontrolus
Medidas Personalizadu di Efisiénsia Enerjétika
Izolamentu di Tubulason
Pontas di Xuxu
Aeradoris di Tornera

Gás

Vedason di Ar & Klimatizason
Izolamentu di Tubulason
Kontrolus di Sistema di Akesimentu
Manutenson di Purmador di Vapor (Steam Trap)
Ekipamentu di Akesimentu & Akesimentu di Água di Alta Efisiénsia
Aeradoris di Tornera
Pontas di Xuxu
Medidas Personalizadu di Efisiénsia Enerjétika

How Does Energy Efficiency Help You?

What are the benefits of weatherization and heat pumps?

Upgrading your weatherization can lower your energy bills and improve the comfort of your home year-round. Heat pumps are a clean, safe and efficient way to heat and cool your home.

Weatherization: One of the first steps toward better energy efficiency is weatherization, which includes upgrading your insulation and air sealing. Weatherization upgrades can significantly benefit your home by:

Lowering heating and cooling costs by an average of 15%
Reducing drafts for improved comfort and consistent humidity throughout the year
Minimizing outside noise for a quieter, more peaceful environment
Preventing allergens and pests from entering your home
Reducing the chance of ice dams - protecting your home from potential damage.

Heat Pumps: Heat pumps offer a highly energy efficient way to both heat and cool your home. Heat pumps are:

Effective Year Round: They can efficiently heat in the winter, even in outdoor temperatures as low as -15℉. They double as a cooling system in the summer and can dehumidify the air, providing year-round comfort.
Safe and Clean: They are powered by electricity with no in-home fuel storage and no carbon monoxide or carbon dioxide emissions.
Flexible: They can be installed to heat and cool individual zones or an entire home, providing all-in-one comfort.

Kumesa

Ou txoma pa (508) 286-6239

Bu sa ben respondi alguns instruson pa kumesa bu jornada ekonomizador di eletresidadi.