Westborough

Dipos di un Avaliason di Energia, nhos ta resebi un Relatoriu di Dikarbunizason ku midjoramentus rekomendadu y ku rabatis y insentivus dispunivel.

Nhos podi ten direitu a resebi:

• 75%-100% di diskontu na midjoramentus aprovadu di izolamentu. 100% di diskontu na midjoramentus di izolamentu sta dispunivel pa:
• Unidadis di arrendamentu*
• Kumunidadi Designadu pa Ekuidadi: tudu edifisius di 1-4 unidadi podi resebi 100% di diskontu na midjoramentus di izolamentu
• Veda fuga di ar dirijidu sen kustu
• Rabatis pa ekipamentus kualifikadu di akisimentu, refrijerason y/ô akisimentu di agu ifisienti na energia, inkluindu bomba di kalor
• Produtus sen kustu pa poupa energia y agu
• Oportunidadi di finansiamentu ku 0% di juros atraves di Programa di Emprestimu HEAT di Mass Save

*Senhorius ten ki da aprovason pa midjoramentus.

Klientis ki ta kumpri orientasons di rendimentu di agregadu familiar tanbê podi ten direitu a insentivus mas grandi. Odja "Ajuda Bazadu na Rendimentu" dibaxu.

Programa pa Pessoas ku Rendimentu Elejível (Income Eligible Program)

Donus y arrendatarius ki kualifika di edifisius di 1–4 unidadi podi resebi midjoramentus sen kustu di izolamentu y veda fuga di ar, midjoramentus di ekipamentus di akisimentu y refrijerason, eletrodomestikus novu pa kaza, y mas.

Es midjoramentus podi baxa kontas mensal di energia y fazi nhos kaza fika mas konfortavel. Prusesu ta kumesa ku un Avaliason di Energia di Kaza Sen Kustu. 

Nhos podi kualifika pa midjoramentus sen kustu, inkluindu:

• Instalason di izolamentu adisional na soton, paridis y poron
• Veda fuga di ar na areas di nhos kaza undi ki ta entra korenti di ar
• Troka di nhos sistema di akisimentu pa bomba di kalor di altu ifisiensia
• Troka di eletrodomestikus, sima jeladoris, frizeris, desumidifikadoris, ar-kondisionadu di janela, y/ô makinas di laba ropa, si nhos eletrodomestikus atual ka é ifisienti
• Un termostatu programavel, Wi-Fi, ô intelijenti
• Lanpadas LED pa poupa energia
• Aeradoris di tornera y txuverus pa poupa agu
• Troka di janelas inefisienti ki kualifika
  
  

Klika li pa odja si nhos podi kualifika pa Programa pa Kenha ki Kualifika pa Rendimentu (Income Eligible Program).

Si nhos é donu di un edifisiu undi 50% ô mas di nhos arrendatarius ta kualifika pa Programa pa Kenha ki Kualifika pa Rendimentu, nhos edifisiu interu podi ser atendidu atraves di es programa.

Ten opsons adisional dispunivel di ajuda bazadu na rendimentu relasionadu ku ifisiensia energetika na Massachusetts. Nhos podi papia ku nhos Energy Advocate lokal pa sabe mas, ô nhos podi:

• Kontakta nhos utilidadi di gas y eletrisidadi pa:
  
  • Tarifas di gas y eletrisidadi ku diskontu
  • Ajuda pa paga kontas atrasadu di gas y eletrisidadi
• Kontakta nhos Ajensia di Ason Komunitariu lokal pa:
• Ajuda pa Kumbustivel na tenporada di akisimentu di invernu
• Otus programas di ajuda ki ka ta relasiona ku energia

Ofertas Rezidensiais Midjoradu (Enhanced Residential Offers)

Donus di prupriedadi y arrendatarius ki kualifika di edifisius di 1–4 unidadi podi resebi midjoramentus sen kustu di izolamentu y veda fuga di ar, insentivus mas grandi pa bomba di kalor, y mas. Es midjoramentus podi baxa kontas mensal di energia y fazi nhos kaza fika mas konfortavel. Prusesu ta kumesa ku un Avaliason di Energia di Kaza Sen Kustu.

Nhos podi ten asesu a Ofertas Residensial Midjoradu atraves di dos kaminhu:

1) Sirvisus Turnkey: fetu pa torna midjoramentus di energia simpli y sen stres atraves di un transformason energetiku totalmenti jeridu pa nhos kaza — ku kustu ti zero.

• Kumesa ku un Avaliason di Energia di Kaza Sen Kustu
• Nhos podi ten direitu a resebi:
  
  • Midjoramentus sen kustu di izolamentu y veda fuga di ar
  • Bomba di kalor di fonti di ar ti fika sen kustu pa troka akisimentu ku oliu, propanu ô eletrisidadi di rezistensia
  • Midjoramentus di painel eletriku pa bomba di kalor y retirada di bareras pa midjoramentus di izolamentu y veda fuga di ar: si nhos kaza misti un midjoramentu di painel eletriku pa aguenta ekipamentu novu, ô atualizasons relasionadu ku saudi y siguransa antis di midjoramentus di izolamentu y veda fuga di ar, ti un masimu di 100% di kustu podi ser kubertu
  • Tudu prusesu pa fazi midjoramentus rekomendadu, di kumesu ti fin, é jeridu atraves di programa pa garanti un speriensia kontinu

Tudu ofertas atraves di Sirvisus Turnkey, inkluindu bomba di kalor y midjoramentus antis di izolamentu y veda fuga di ar, sta sujeitu a avaliason di relason kustu-benefisiu. Otus restrisons podi aplika.

2) Kaminhu Auto-Giadu: aproveita insentivus pa fazi nhos kaza fika mas ifisienti na energia y pa midjora konfortu duranti anu interu.

• Kumesa ku un Avaliason di Energia di Kaza Sen Kustu
• Nhos podi ten direitu a resebi:
  • Midjoramentus sen kustu di izolamentu y veda fuga di ar
  • Rabatis di:
  • Ti un masimu di $16,000 pa bomba di kalor di fonti di ar
  • Ti un masimu di $16,000 pa bomba di kalor di ar pa agu
  • Ti un masimu di $25,000 pa bomba di kalor di fonti di tera
• si nhos kre instala un bomba di kalor, skodji nhos propriu Instalador Partisipanti di Bomba di Kalor (y aproveita rabatis listadu li riba

Pa rabatis di bomba di kalor, ekipamentu ten ki ser novu y instaladu pa ô komplementa ô troka oliu, propanu ô rodape eletriku (rezistensia) kuma sistema prinsipal di akisimentu. Rekomendasons di midjoramentus di izolamentu y veda fuga di ar ki for fetu duranti un Avaliason di Energia di Kaza ten ki ser konkluidu. Otus restrisons podi aplika.

Klika li pa odja si nhos podi kualifika pa Ofertas Residensial Midjoradu. (Enhanced Residential Offers).

Patrosinadoris di Mass Save ta oferesi rabatis pa bomba di kalor y tanbê un oportunidadi pa kandidata pa finansiamentu ku 0% di juros atraves di Programa di Emprestimu HEAT di Mass Save.

Rabatis pa bomba di kalor ta bazeadu na tamanhu di ekipamentu (tonelaji), si sistema di bomba di kalor ta sirbi kaza intera ô so parti di kaza, y na nivel di rendimentu di agregadu familiar.

Rabatis pa kaza intera sta dispunivel pa klientis ki instala bomba di kalor kuma unika fonti di akisimentu y refrijerason. Klientis na kazas ku 5+ unidadi podi resebi rabati di kaza intera, desdi ki tudu rekizitus anotadu na formulariu di verifikason di kaza intera podi ser kumpridu.

Rabatis pa parti di kaza ta ser oferesidu pa klientis ki ten planu di mante un kaldera ô furnu ki dja izisti pa komplementa un novu sistema di bomba di kalor. Kel-li ta inklui kontrolu integradu di nhos sistema atual di akisimentu y di sistema di bomba di kalor.

Kumesa ku un Avaliason di Energia sen kustu. Un Spesialista di Energia kualifikadu ta identifika y rekomenda midjoramentus pa poupa energia sen obligason, y tanbê ta mostra insentivus ki nhos podi resebi. Bazeadu na nhos Avaliason di Energia, nhos podi ten direitu a insentivus imediatu y rabatis na midjoramentus di ifisiensia energetika, inkluindu:

Bazeadu na bu Avaliason di Enerjia, bu podi ser elejível pa insentivus instantáneu i reembolsus pa midjorias di efisiénsia enerjétika, sima tanbê produtus di pōpansa di enerjia sen kustu, inkluindu:

• Veda fuga di ar sen kustu
• Ti un masimu di 100% di diskontu na izolamentu
• Rabatis na ekipamentus y kontrolus di altu ifisiensia pa akisimentu, refrijerason y agu, sima bomba di kalor
• Termostatus programavel y Wi-Fi
• Aparelhus pa poupa agu, inkluindu txuverus di baxu fluxu, aeradoris di tornera y revestimentu di tubu
• Sensoris di okupason
• Finansiamentu HEAT Loan ku 0% pa kondominius y unidadis okupadu pa propriu donu

Nhos podi kualifika pa otus midjoramentus pa poupa energia, dipendendu di nhos prupriedadi y di rezultadus di avaliason.

Alen di kel, bazeadu na rendimentu, insentivus midjoradu podi sta dispunivel, inkluindu:

• Ti un masimu di 100% di diskontu na kustu di midjoramentus di sistema di akisimentu, inkluindu bomba di kalor
• Midjoramentus di painel eletriku pa bomba di kalor y retirada di bareras pa midjoramentus di izolamentu y veda fuga di ar: si nhos kaza misti un midjoramentu di painel eletriku pa aguenta ekipamentu novu, ô atualizasons relasionadu ku saudi y siguransa antis di midjoramentus di izolamentu y veda fuga di ar, ti un masimu di 100% di kustu podi ser kubertu

Nhos mora di renda na un edifisiu ku 5+ unidadi? Inkora nhos donu di edifisiu ô jerenti di prupriedadi pa fazi un Avaliason di Energia pa kel prupriedadi. Nhos tanbê podi odja maneras ki nhos mesmu podi poupa energia na nhos kaza kuma arrendatariu.

Senhoriu di kaza (landlord) ten ki dá aprovason pa midjoramentu. 

Pikenu negosius, organizasons sen fins lukrativu y lugares di kultu ki ta uza menus di 1.5 million kWh di eletrisidadi pa anu, ô menus di 40,000 therms pa anu na kontas di gas natural, podi pidi un avaliason.

Midjoramentus rekomendadu podi inklui kes li dibaxu, ku ti un masimu di 70% pagu pa nhos Sponsor:

Elétriku

• Veda fuga di ar y midjoramentus di izolamentu y veda fuga di ar
• Midjoramentus y kontrolus di sistemas di iluminason (inkluindu LEDs)
• Kontrolus di refrijerason y midjoramentus di kamaras frigorifiku
• Midjoramentus y kontrolus di sistema HVAC (akisimentu, ventilason y ar-kondisionadu), inkluindu bomba di kalor
• Kontrolus di motoris ô di asionamentus
• Sistemas di ar konprimidu
• Izolamentu di tubu
• Txuverus
• Aeradoris di tornera
• Mididas personalizadu di ifisiensia energetika
  
  

Gás

• Veda fuga di ar y midjoramentus di izolamentu y veda fuga di ar
• Izolamentu di tubu
• Kontrolus di sistema di akisimentu
• Manutenson di armadilha di vapor
• Ekipamentus di altu ifisiensia pa akisimentu di agu
• Aeradoris di tornera
• Txuverus
• Mididas personalizadu di ifisiensia energetika
• Y más
  
  

Tanbê ten rabatis pa bomba di kalor. Valor di rabati dipendi di ekipamentu.

Arrendatarius di pikenu negosiu, senhorius, organizasons sen fins lukrativu, y lugares di kultu podi ten direitu a insentivus midjoradu, inkluindu ti 100% di kustu di prujetu pagu pa rabatis, ma ka ta inklui bomba di kalor.

Midjoramentus di izolamentu y veda fuga di ar: un di primerus pasus pa un ifisiensia energetika mas bon é fazi midjoramentus di izolamentu y veda fuga di ar, ki inklui midjora nhos izolamentu y veda fuga di ar. Es midjoramentus podi benefisia nhos kaza di forma signifikativu, pa:

• Baxa gastus di akisimentu y refrijerason, na media, pa 15%
• Riduzi korentis di ar pa da mas konfortu y umidadi mas konsistenti duranti anu
• Diminui baruyu di fora pa un ambienti mas kalmu y trankilu
• Impidi alerjenius y pragas entra na nhos kaza
• Riduzi xansi di akumulason di jelu na telhadu - ta proteji nhos kaza di posivel danos.

Bomba di Kalor: Bomba di kalor ta oferesi un manera di altu ifisiensia energetika pa akise y refrijera nhos kaza. Bomba di kalor é:· Efitivu Duranti Anu Interu:

• Es podi akise ku ifisiensia na invernu, mezmu ku temperatura di fora baxu ti -15℉. Es tanbê ta sirbi kuma sistema di refrijerason na veron y podi tira umidadi di ar, ta da konfortu duranti anu interu.
• Sigur y Limpu: Es ta funsiona ku eletrisidadi, sen armazenamentu di kumbustivel dentru di kaza y sen emisons di monoksidu di karbonu ô di dioksidu di karbonu.
• Flesivel: Es podi ser instaladu pa akise y refrijera zonas individual ô un kaza interu, ta da konfortu tudu-na-un.